✓ სტუმრების “წიგნი” (Vol. 11)

ყოველთვის მომწონდა “Wedding GuestBook”-ები და საქმე საქმეზე რომ მიდგა, რატომაც არა, მეთქი – გავიფიქრე, მოვიმარჯვე ჩემი იარაღები და შევუდექი მზადებას.

Paints

იქამდე კი იდეებისათვის Pinterest დავლაშქრე – რამდენადაც, უკვე გამოცდილი მქონდა – ყველაზე ორიგინალური და კრეატიული შემოთავაზებები სწორად აქ იძებნება.

Fingerprint Wedding Guest Book

ორი ვერსიიდან: – მანქანა (Just Married) და ხე – ეს უკანასკნელი ავარჩიეთ.

twinaspens_frontWEB

მთლად ორიგინალს არ გავდა, მაგრამ, არც არაფრით ჩამოუვარდებოდა. გიორგიმ ყვითელი შემოდგომას მაგონებს და რამე უფრო მხიარულიო.

ხოდა, გადავწყვიტეთ, რომ თუ სხვებს შემოდგომა უდგებათ, ჩვენი გაზაფხული ახლა დადგა და ფერებიც შესაბამისი უნდა ყოფილიყო.Drawing

მნიშვნელოვანი ის იყო, რომ ქორწილის დღეს გაგვხსენებოდა და არ დაგვრჩენოდა შინ. წინა დღით გავამზადე და ჩემს დას დავავალე, რომ წამოეღო. მან დავალება პირნათლად შეასრულა და მამას მანქანაში მოათავსა მთელი ჩემი ფუნჯები და იარაღები. მეც არ გამიკვირდა, რატომ იყო პარკი მძიმე.

რესტორანში კვლავ ჩემი და ჩავგზავნე ნახატის ამოსატანად და შემდგომ, ჭურჭლისათვის განკუთვილ პატარა დესაუზე განვათავსე. ჯერ ბავშვებს ავუხსენი და შემდგომ – მათვე ჩავაბარე სტუმრებისთვის აეხსნათ. შედეგად ეს მივიღეთ.

Done

მართალია, ჩანაფიქრისაგან ცოტა შორსაა, სამაგიეროდ – ჩვენია, უნიკალური. საქორწინო მოგზაურობიდან რომ დავბრუნდებით, რამეს მოვუხერხებ. სავარაუდოდ, ჩარჩოში ჩავსვამ და თუ საძინებელს არ მოუხდა, სადმე შევინახავ სახსოვრად.

ერთადერთი, რაზეც გული მწყდება ისაა, რომ მიუხედავად იმისა, რომ რამდენჯერმე ვთხოვე ერთ ადამიანს, რომელსაც მიკროფონი თითქმის სულ ხელთ ეპყრა, გამოეცხადებინა “სტუმრების წიგნის” შესახებ, ყურებს მიღმა გაუშვა ჩემი თხოვნა და ზედ არ არის ბევრი იქ მყოფი ადამიანის ანაბეჭდი.

D&G (557 of 560)

რაც არის, სულ გიორგის დამსახურებაა. ის დადიოდა მაგიდა-მაგიდა (კარდაკარ) და ვინც ყური არ შეიბერტყა, რას ვიზამთ. სულ რომ არავის დაესვა ზედ ანაბეჭდი, ჩემთვის ყველაზე ძვირფასი ის იყო, რომ ჩემი ქმარი ასე გულმოდგინედ მოეკიდა ამ საკითხს და მთელი გულით ცდილობდა ეს დღე გაელამაზებინა. ღვთის უზომოდ მადლობელი ვარ, რომ ასეთი ადამიანი გამომიგზავნა.

იხილე ყველა პოსტი სერიიდან “ჩემი ქორწილი” ❤

Advertisements

✓ საქორწილო თავსაბურავი (Vol. 9)

თავდაპირველად, ვიფიქრე, მაღაზიებს დავივლი, იქნებ, რამე მარტივ თეთრ თავსაბურავს წავაწყდე მეთქი. ერთადერთი, რაც ოდნავ შესაბამისი იყო, პრომოდში – რაღაცნაირად ორიგინალური შარფი. თუმცა, არც კაბის ფერში მიდიოდა და არც – სტილში. თან ზამთრის უფრო იყო და ფასიც – მაღალი ჰქონდა.

შეკერვა გადავწყვიტე. დავიარე მაღაზიები. თუმცა, არჩევანი მანამ ვერ გავაკეთე, სანამ საქორწილო კაბის თასმა არ წავიღე თან.

ვინც კაბას იკერავს, იმისთვის თავსაფრის შეკერვაც არ არის პრობლემა.

არც მე გამძნელებია არჩევანის გაკეთება. დედეჩემს მახვილი თვალი აქვს და ჩვეულებრივ, სრულიად უბრალო ნაჭერს, ულამაზესი არშიაც მოვუძებნეთ.
Fata

მახვილ თვალთან ერთად, ოქროს ხელებიც აქვს დედას. მააშ. აბა, ვინ შეკერავს იმაზე გულიანად შვილის ქორწილისთვის აქსესუარს, თუ არა საკუთარი მშობელი.

შედეგი ძალიან ნაზი, ჰაეროვანი და ლამაზი გამოვიდა. ყველაზე მეტად ის მომწონდა, რომ არ იკუჭებოდა, როგორი ფორმითაც უნდა დაგედო.

D&G (82 of 560)

 

ერთადერთი ნაკლი, რაც ჰქონდა – თავიდან სრიალებდა. ჯერ ჩემი მეჯვარე ნინო და მერე მეც მოვკვდით სწორებით. 🙂 თუმცა, მერე გვირგვინი რომ დამადგეს, შვებით ამოვისუნთქე.

D&G (60 of 560)

მოკლედ, ასეა თუ ისეა, ყველა თავსაფარი სრიალებს და თუ რამით არ მოახდენთ მის ფიქსაციას, მცირე ხნით გაჭირვება მოგიწევთ. თუმცა, ეგ არაფერი. ^_^

იხილე ყველა პოსტი სერიიდან “ჩემი ქორწილი” ❤

✓ სახალისო ფოტოსესია ქორწილისთვის ((ნაწილი 1) (Vol. 5))

ქორწილი, უკეთეს შემთხვევაში, ცხოვრებაში ერთხელ გაქვს ადამიანს. ამ დღის მოგონებები კი ფოტოსა და ვიდეოს სახით უფრო დიდ ხანს შემოგრჩება, მხოლოდ მახსოვრობის იმედად ვერ იქნები კაცი.

ამ დღის გასალამაზებლად თვითნაკეთი ღრუბლები დაგეხმარება.

Instant Download DIY Photo Booth Props. Black Signs by redlinecs

ამისათვის შავ-თეთრი პრინტერი, ოდნავ მყარი ქაღალდი, წებო, პლასტელინი და საწრუპავი მილიც საკმარისი იქნება.

ჩანგალი

იდეები განუსაზღვრელია. წარწერები თავად შეგიძლიათ მოიფიქროთ. ყველაზე კრეატიული, რაც მოვიფიქრე “ჩანგალზე”-ა.

გარდა ამისა, შეგიძლიათ სკამებიც გაახალისოთ შესაბამისი წარწერებით.

აღნიშნული წარწერები შეგიძლიათ სიძე-პატარძლის სკამებზე დაამაგროთ ✓
დაამაგრეთ სიძე-პატარძლის სკამებზე ✓

ქორწილამდე ნაყინის ჩხირები შეაგროვეთ.

აი, ცარიელი ღრუბელიც - გამოიყენეთ თქვენი შეხედულებისამბრ.
აი, ცარიელი ღრუბელიც – გამოიყენეთ თქვენი შეხედულებისამბრ.

იხილე ყველა პოსტი სერიიდან “ჩემი ქორწილი❤

ორიგინალური სამაჯური

ორიგინალური ბრასლეტი სანტიმეტრის პრინტით განსაკუთრებით მათ მოეწონებათ, ვისაც ხშირი შეხება აქვს ნაჭრებთან…
სულ ცოტა ხანში, ეს სამაჯურები თბილისშიც გაჰიტდება. ხოდა, იყავით პირველი 😉

ruler bracelet

იყავით მოდური! 😉

ტერარიუმის ყელსაბამები

ასე ჰქვია ხელთნაკეთ ყელსაბამებს, რომლებიც სულ ახლახანს გამოჩნდა საერთაშორისო ბაზარზე. მათი ყიდვა თქვენც შეგიძლიათ – ამაზონსა და სხვა მსგავს საიტებზე.

მაგრამ, კიდევ უკეთესი, თუ ხელმარჯვე ხართ და თავადაც შეგწევთ უნარი, დაამზადოთ ორიგინალური სამკაულები.