✓ ფოტოსესია ძველით ახალ თბილისში (Vol. 22)

ჯვრისწერის შემდგომ – ხელის მოწერის ცერემონიამდე დრო საკმარისზე მეტი გვქონდა. ამიტომაც, გადავწყვიტეთ ძველ თბილისში გაგვესეირნა.

წინა დღით საქართველო-შოტლანდიის მატჩი გაიმართა, თუ არ ვცდები. ხოდა, ქალაქი სავსე იყო შოტლანდიელებით. განსაკუთრებით, შარდენის მიმდებარე ტერიტორია. როდესაც ანჩისხატიდან სიონამდე მივდიოდით, ქვედა ფოტოებზე გამოსახული რიგები გამოვიარეთ, სადაც უცხოელები ისხდნენ. ჩვენს დანახვაზე ტაში შემოკრეს. ისეთი სასიამოვნო გრძნობა იყო… არადა, მხოლოდ ქართველები რომ ყოფილიყვნენ, ზედაც არავინ შემოგვხედავდა. ეს ის იშვიათი შემთხვევაა, როცა ჩვენი “უკულტურობა” უნდა ვაღიარო.

გზად კიდევ გვხვდებოდნენ გამვლელები, მათგან ყველა უცხოელი ულოცავდა გიორგის, რომ ასეთი პატარძალი “ჩაიგდო ხელთ”! 🙂 😛 ხუმრობის გარეშე.

მცირე ხნით სიონთან გავჩერდით, მამაჩემს ველოდებოდი. ფეხსაცმელმა მატკინა და გამოვიცვალე. სანამ მოვიდოდა, სურათების გადაღებით დავკავდით.

მერე მცირე ხნით ხიდზეც ავედით. სადაც კვლავ კამერების წინ ვპოზირებდით. მოკლედ, თითქმის მეთელი ქალაქი შემოვიარეთ ფეხით.

მამაჩემმა დარეკა, შენი დაქალები გეძებენო. ისე სწრაფად გამოვედით ტაძრიდან, ვერც კი მოასწრეს გაცნობიერება ყველაფრის და მეც გვიან მივხვდი, რომ ჩემი გოგონები ჩემს გვერდით არ იყვნენ. ნელ-ნელა ხელ მოწერის დროც ახლოვდებოდა და იუსტიციის სახლისკენ დავიძარით. გზად მაყრებსაც შევუერთდით და ერთად გავწიეთ დანიშნულების ახალი ადგილის მიმართულებით.

იხილე ყველა პოსტი სერიიდან “ჩემი ქორწილი” ❤

Advertisements

საუცხოოდ განათებული ადგილები

Christmas Market, Estonia

კარგი განათება ბევრ რამეს ცვლის, ეს პირველად მაშინ აღმოვაჩინე, ძველმა ხელისუფლებამ ქალაქის ქუჩები და ნაგებობები გაანათა…

ბევრი შენობა (მათი სილამაზე) სწორედ მაშინ “აღმოვაჩინე” თავიდან.

მართალია, განათებაზე ძალიან ბევრი სახსარი იხარჯება ბიუჯეტიდან, თუმცა… თავად განსაჯეთ:

ექსკურსია: ახალციხე, რაბათი

ძალიან დიდი ხანია, რაც რაბათის ნახვა მსურდა და როგორ იქნა, ამისრულდა. რატომღაც, მეგონა, რომ უფრო ახლოს იქნებოდა დედაქალაქთან, თუმცა, გზაში სასიამოვნოდ გავერთეთ. ჩვენი ერთი თანამშრომელი გვართობდა 45 კაციან ავტობუსს.

როგორც წინა პოსტში დაგპირდით, გიზიარებთ ჩემ მიერ გადაღებულ ფოტოებს.

მკაცრად არ განსაჯოთ ჩემი SIII-ით გადაღებული სურათები. ოდესმე, აუცილებლად ვიყიდი პროფესიონალურ ფოტო–კამერას.

იმედია, მოგეწონათ!

მე რაბათში

გუშინწინ, 6 ივლისს ჩვენმა სამსახურმა თანამშრომლების ექსკურსიას გაუკეთა ორგანიზება.

ვესტუმრეთ ახალციხეს. დავათვალიერეთ რაბათი. ძალიან ენერგიული გიდი გვყავდა, რომელიც, როგორც შემდგომ აღმოჩნდა, მუზეუმის დირექტორი გახლდათ. რომლის მსგავსად მაინც თუ ეყვარება ყველა ადამიანს თავისი პროფესია, დამიჯერეთ, საქართველო გაბრწყინდება.

შიგადაშიგ, უამრავი ფოტო გადავიღეთ.

ოდნავ მოგვიანებით, ხედებსაც გაგიზიარებთ.

საღამოს ურაველის ედემში დავსხედით, სადაც თან გადაგვყვნენ. აუცილებლად, ეწვიეთ ამ შესანიშნავ ადგილს.

მადლობას ვუხდი ყველა ორგანიზატორს! You made my day! :*