27 მარტივი გზა გონების განვითარებისათვის

არ მისცე თავს საშუალება გაიჭედო ერთ ადგილას – ეცადე, გონება ყოველთვის აქტიურ და სპორტულ რეჟიმში გქონდეს “ჩართული”. ისევე, როგორც სხეულს, ტვინსაც სჭირდება რეგულარული ვარჯიში. ამაში კი ქვემოთ ჩამოთვლილი რჩევები დაგეხმარება. დღეში თითო რომც გააკეთო, უკვე დიდ წინსვლა იგრძნობ.

@gizemkazancigil| Be Inspirational ❥|Mz. Manerz: Being well dressed is a beautiful form of confidence, happiness & politeness

  1. ამოხსენი კროსვორდი: საუკეთესო საშუალებაა ტვინი ფიქრისკენ წაახალისო. თუ გაზეთების ყიდვა გეზარებათ, უამრავი კროსვორდია ნეტშიც.
  2. მოუსმინე ახალ ამბებს სხვადასხვა ენაზე: გონება ახდენს სტიმულირებას, როდესაც რაღაც განსხვავებულს უსმენთ, ამიტომ, ქართული საინფორმაციო გამოშვების ყურების ნაცვლად, ხანდახან, უცხოურ არხებზეც გადართე და მოუსმინე ცხელ-ცხელ ამბებს;
  3. ეცადე, გამოიყენო მარჯვენის ნაცვლად მარცხენა, ხოლო თუ ცაცია ხარ, მარცხენის ნაცვლად მარჯვენა ხელი: მაგალითად – კბილების გახეხვისას ან საუზმობისას.
  4.  ისარგებლე კიბეებით: ზემოთ ასვლისა და ქვემოთ ჩასვლის მარტვი კომბინაციებიც კი ააქტიურებს ტვინს და იწყება ფიქრის პროცესი.
  5. ისაუბრე პირადად, დაივიწყე მესიჯები: ჭეშმარიტი დიალოგის გამართვა უკვე იშვიათ უნარად იქცა. არადა, ადამიანებთან პირადად ურთიერთობა იწვევს ჩვენ განვითარებასა და შესაბამისი ჩვევების გამომუშავებას.
  6. ისაუბრე უცნობთან: ნაცნობების გარდა, უცნობებთან საუბარიც სასიამოვნოა – გამოიყენეთ რიგი სალაროსთან ურთიერთობის დასამყარებლად. შეიძლება, თავი უცნაურად იგრძნო, მაგრამ დამერწმუნეთ, ეს ერთ-ერთი საუკეთესო გზაა თვითშეფასების ასამაღლებლად.
  7. გადაიღე სურათი ყოველ დღე: წაახალისე შენი კრეატიულობა და გადაიღე ფოტო ყოველ დღე. უბრალო “გაჩხაკუნებიდან” – მზის ჩასვლამდე. ასეთი ფოტოები შეგვახსენებს, რომ ცხოვრება ჩვენს ირგვლივ მშვენიერია და რომ ბედნიერება დეტალებშია.
  8. გაუკეთე საკუთარ თავს გულახდილი კომპლიმენტი: ჩაიხედე სარკეში და თქვი რამე სასიამოვნო. ეს პოზიტიური განწყობის შექმნასა და თვითშეფასების ამაღლებაში დაგეხმარებათ.
  9. უთხარით ნაცნობს გულახდილი კომპლიმენტი: როგორც შენ, ისე სხვას სიამოვნებს კომპლიმენტი! ამიტომ, არ დაიშურო ახლობლებისთვის თბილი სიტყვები. ამით თავს შენც უკეთ იგრძნობ.
  10. ყოველ დღე მოამზადე თითო კერძი: შესაძლოა, დიდი მზარეული არ იყოთ, მაგრამ კულინარია ცდად ღირს – ახალი უნარების შეძენა გონებას განვითარებაში ეხმარება. მერე რა, რომ კუჭი შეიძლება არ დარჩეს კმაყოფილი.
  11. დახატე ნახატი: შემდეგში, როცა საქმე არ გექნება, აიღე ფანქარი და დახატე რამე – თუნდაც ის, რასაც ცხვირწინ ხედავ. ანაც შექმენი უნიკალური ლოგო საკუთარი თავისთვის. ხატვა ტვინის ნაკლებად გამოყენებად მარჯვენა ნახევარსფეროზე ახდენს სტიმულირებას. ბალანსის დაცვა კი ძალზედ მნიშვნელოვანია.
  12. წაიკითხე წიგნი: ის მაინც თუ გახსოვს, ბოლოს რა წიგნი წაიკითხე? არ გეკითხები – როდის… 🙂 კითხვა სასარგებლოსთან ერთად საინტერესოცაა; განტვირთვისა და სხვა სამყაროში მოგზაურობის საუკეთესო საშუალებაა.
  13. დადე ტელეფონი: კი, ყველას ძალიან გვიყვარს ჩვენი ანდროიდები და “ჩაკმეჩილი ვაშლები”, მაგრამ მიეცი ტვინს დასვენების საშუალება. შესაძლოა, ტელეფონი არაკომფორტულ სიტყაციებში ძლეირ გეხმარება, მაგრამ სჯობს, ჯიბეში ჩადო და ლიფტში უცნობებს გამოელაპარაკო.
  14. აწარმოე დღიური: თუნდაც, ელექტრონული. წერა საუკეთესო საშუალებაა გონებისთვის.
  15. დაისახე დღიური მიზანი: 8 ჭიქა (1.15-2 ლიტრა) წყლის დალევიდან დაწყებული, 2-3 კილომეტრიანი სეირნობით გაგრძელებული… დაისახე დღიური მიზანი და როცა მას მიაღწევ, თავს ბედნიერად იგრძნობ.
  16. ეცადე უფრო მეტად: დღეს გუშინდელზე უფრო რთული მიზანი დაისახე და მიაღწიე. მოხსენი საკუთარი რეკორდი.
  17. დასძლიე თითო შიში: გეშინია ობობების? დაძებნე სახლში და გაუმკლავდი. შიშის დაძლევა კმაყოფილების საოცარ განცდას მოგგვრის.
  18. გაიღიმე განწყობის მიუხედავად: სიცილი ენდორფინების (ბედნიერების ჰორმონების) გამომუშავებაში ეხმარება ორგანიზმს და მომენტალურად ამაღლებს განწყობას.
  19. გადააგდე მავნე ჩვევა: იკვნეტ ფრჩხილებს? სიგარეტს ეწევი? მავნე ჩვევის გადაგდება ტვინისათვის საუკეთესო გამოწვევაა.
  20. ისწავლე რამე, რაც გაინტერესებს: ყოველთვის გაინტერესებდა ანტიკური რომის შესახებ? ყოველ დღე ან კვირა დაუთმე დრო დამაინტრიგებელი საკითხების გამოკვლევას.
  21. გააკეთე საშინაო საქმეები: არავის უყვარს დილაობით, ადგომისთანავე საშინაო საქმეების კეთება, მაგრამ დღის ბოლოს უფრო მეტი დრო დაგრჩება დასასვენებლად. გარდა ამისა, სისუფთავე და წესრიგი ბედნიერი ადამიანების წესია და დადებითად მოქმედებს განწყობაზეც.
  22. იარე ხაზზე: ბავშვობისას დარწმუნებული ვარ, ყველას გიცდიათ ტროტუარის მიჯნაზე სიარული. მართალია, უკვე დიდები ხართ, მაგრამ გირჩევთ, გაიხსენოთ ბავშვობა! ეს სასარგებლოა თქვენი ტვინისთვის.
  23. მიმართე მედიტაციას: ეს საუკეთესო საშუალებაა გონების დასასვენებლად და თავიდან გადასატვირთად – ვისაც “Restart” ღილაკი გსურდათ – აღმოჩენა გაკეთებულია.
  24. ითამაშე სამაგიდო თამაში მეგობრებთან: სამაგიდო თამაშები მეგობრებთან ერთად ყველაფერია მოსაწყენის გარდა, რომ არაფერი ვთქვათ ტვინის უბნების აქტიურობაზე;
  25. დაუკარი ინსტრუმენტზე: ისნტრუმენტზე დაკვრის სწავლა და ან საყვარელი მელოდიების დაკვრა ხელისა და გონების კავშირს ავარჯიშებს, ხსნის სტრესს; ცნობილი ფაქტია, რომ მუსიკა დადებითად მოქმედებს ტვინზე და ავითარებს მას;
  26. გამორთე ტელევიზორი: დიახ, დიახ! არაფერი გელანდება! მართალია საინტერესო გადაცემა კარგად გაგართობს, თუმცა საათობით ცისფერ ეკრანს მიჩერება გამოთაყვანებას იწვევს. ამიტომ, ეცადე, ყუთს ნაკლები დრო დაუთმო; სანაცვლოდ – მეტი იკითხე; მეგობრებთან ერთად გონების სავარჯიშოები აკეთე და ითამაშე;
  27. ივარჯიშე: ფიზიკურ სიჯანსაღესთან ერთად ვარჯიში გონებასაც ავითარებს. შეიმუშავე და განახორციელე კვირის გეგმა და უკმაყოფილო ნამდვილად არ დარჩები!

 

 

 

Advertisements

ტერარიუმის ყელსაბამები

ასე ჰქვია ხელთნაკეთ ყელსაბამებს, რომლებიც სულ ახლახანს გამოჩნდა საერთაშორისო ბაზარზე. მათი ყიდვა თქვენც შეგიძლიათ – ამაზონსა და სხვა მსგავს საიტებზე.

მაგრამ, კიდევ უკეთესი, თუ ხელმარჯვე ხართ და თავადაც შეგწევთ უნარი, დაამზადოთ ორიგინალური სამკაულები.

17 ფილმის გაცოცხლებული პოსტერი

1. დრაივი

Bold Films / Via imgur.com

2. მოკალი ბილი

Miramax Films / Via imgur.com

Continue reading “17 ფილმის გაცოცხლებული პოსტერი”