IPSY – ხარისხიანი კოსმეტიკა $10.00 – ად

IPSY – ეს არის კომპანია, რომლის მეშვეობითაც შეგიძლიათ მოიპოვოთ შედარებით ხარისხიანი კოსმეტიკა თვეში სულ რაღაც 10 დოლარად. ამასთან, ყოველ თვე 5 პროდუქტი და 1 კოსმეტიკის ჩანთაა. რეგისტრაციისას კითხვარს ავსებთ, რომლის მიხედვითაც კანის, თმის ფერისა და ა.შ. ინფორმაციას იტყობენ.

პროდუქციასაც შესაბამისად აგზავნიან. შიგთავსი ყოველთვის გაცილებით ძვირადღირებულია, ვიდრე მასში ვიხდით. ასე, მაგალითად, მიმდინარე თვეში მიღებული კოსმეტიკის ღირებულებამ $65 შეადგინა.

თქვენს წინაშეა, ივლისის Glam Bag. ეს ჩემი მესამე ამანათია (მაისსა და ივნისს მოგვიანებით გაგიზიარებთ). ჯერ-ჯერობით, ყველაზე მეტად მომწონს. თუმცა, ივნისისაც ძალიან კარგი იყო.

Screen Shot 2016-07-28 at 18.11.25

თავად კოსმეტიკის ჩანთა მომეწონა იმაზე მეტად, ვიდრე ველოდი. ფერი გარდამავლად ელვარებს.

theBalm Cosmetics – Meet Matt(e) Trimony Eyeshadow – $4.67

ერთი შეხედვით, არ მომეწონა, თუმცა, ყველამ კომპლიმენტი მითხრა, ვინც კი მიხილა და in the end of the day აზრი შევიცვალე.

Delectable lemon & cream ultra nourishing hand cream – $3.50

ხელის კრემი – თავიდან ესეც არ მომეწონა. ლიმნის სუნი მახსენებდა ქოლდრექსის ჩაის – მაგრამ რამდენიმე წასმის შემდეგ – ნაღების სუნიც მეცა და რაღაცნაირად, მომეწონა. ხელს კარგად ატენიანებს.

ipsy july

OFRA Cosmetics Lip Liner – $13.00

ცხოვრებაში არასდროს მიხმარია ტუჩის ლაინერი და ძალიან მაინტერესებდა. უფრო მუქი ფერი მინდოდა, მაგრამ ძალიან კმაყოფილი ვარ ღია რომ ჩამოვიდა, ზუსტად ჩემი ტუჩის ფერია და ტუჩსაცხი შეიძლება, სულაც არ წავისვა.

tre’StiQue Mini Highlight Stick – $34.00

ჯერ ვერ დავმეგობრით, დრო არ მქონდა მეცადა. თან, ცოტაა, სანამ ვისწავლი წასმას – გათავდება. ფერიც, მგონი, ზედმეტად ღიაა ჩემთვის (თუ  ასე უნდა იყოს?).

fileAsset.jpeg

Luxie Rose Gold Small Angle Eye Brush  – $10.00

კარგი რამეა, თუმცა, ამის ხმარებასაც ცოდნა უნდა და ამდენ განსხვავებულ პროდუქტთან შეხებით მივხვდი, რომ ამ საკითხში “ჩაინიკი” ვარ.

საერთო ჯამში, ფრიად კმყოფილი ვარ. ყოველ ჯერზედ უკეთესი შიგთავსი დევს. და იმედია, მეც ოდესმე დავამუღამებ და ვისწავლი რის მერე რა უნდა გამოვიყენო.

პ.ს. საიტზე მოქმედებს ქულების დაგროვებითი სისტემა. ამ ამანათშივე იდო ჩემ მიერ დაგროვებული ქულებით გამოწერილი ფრუქტისის თმის სპრეი ხვეული თმისთვის, რომელიც მეგობარს გადავულოცე, რამდენადაც მე სწორი თმა მაქვს.

Advertisements

როგორ დავწეროთ მკვლელი ესსე/რეფერატი

გაიგე, რა სურს მასწავლებელს/ლექტორს

  • კარგად წაიკითხე დავალება და დაყავი ნაწილებად;
  • დაყოფილი ნაწილები უკვე შენი ესსეს ჩონჩხი, ანუ გეგმაა;

არ დაიწყო შესავლით

  • ეს მხოლოდ დროის ფუჭი კარგვაა – შეიძლება, მუზაც დაკარგო;
  • შესვალი? მაშინ, როცა შენი ესსე ჯერ არ არსებობს?!
  • დაიწყე მთავარი/ძირითადი პარაგრაფებით.

მთავარი/ძირითადი პარაგრაფები

  • ყველაზე მაგარი თემის წერისას, ესაა საშუალება იმისა, რომ ადამიანებს ფიქრის მიმართულება შეუცვალო და მიუთითო, როგორ იმსჯელონ;
  • არ შეიკავო თავი,
  • დაწერე, რაც მოგაფიქრდება და
  • რაც მართებულად მიგაჩნია,
  • რამდენადაც, თემას უკვე შენი სახელი აწერია;

დასკვნა

      • ეს ჰგავს 30 წამიანი რეკლამის დასასრულს, სადაც საქონელს ცხვირ წინ გიფრიალებენ – ყოველი შემთხვევისათვის, რომ არ დაგავიწყდეს, რის შესახებ იყო მთელი ეს ნახევარი წუთი.
      • წამოაყენე ყველა შენი არგუმენტი კიდევ ერთხელ –
      • ყოველი შემთხვევისთვის, რომ არ დაავიწყდეს ხალხს, რის შესახებ იყო მთელი ეს სტატია;

შესავალი

      • ახლა, როცა უკვე სახეზეა თემა, გადაწერე დასკვნა იმგვარად, რომ შესავალს დაემსგავსოს;
      • ამჩნევ, როგორი მარტივია შესავლის წერა?
      • შესავლის ბოლოს ასევე მკვლელი თეზისი – თემის ძირეული ფრაზა/ფრაზები მოათავსე.

ძიერეული ფრაზა/ფრაზები

      • გახსოვს ჩონჩხი, რომელიც თავიდან შევადგინეთ?
      • დაიწყე ქვემოდან ზემოთ;
      • შეადგინე ერთიანი წინადადება, რომელიც ყველა ამ ნაწილს მოიცავს;
      • სრულიად მისაღებია დაწერო: “ამ ესსეში მე ვდაობ/ეჭვქვეშ ვაყენებ:…”
      • და ჩამოთვალე ეს ნაწილები;
      • მზადაა;

ციტირებები

      • შესანიშნავი შესაძლებლობაა თავი განათლებულად, ნაკითხად წარმოაჩინო და ამვდროულად, გაზარდო ესსეს მოცულობა;
      • მოდი, ვიყოთ გულახდილები, არავის აქვს სურვილი 2000 სიტყვის დაწერისა;
      • ციტირებამდე და მის შემდგომ – საჭიროა ცოტა შენითაც ისაუბრო;
      • უთხარი ხალხს, ვის ციტირებ;
      • უთხარი ხალხს, რატომ უნდა ადარდებდეთ ეს;

სქოლიო

      • სქოლიოს გარეშე არ შეიძლება;
      • თუ შენი თემა ინგლისურადაა, გაგიმართლა – არ გამოიყენებ ვორდს ამ საკითხში, არამედ, მიმართავ შესაბამისს საიტს: Citation Machine.

ყოჩაღ!

ახლა შეგიძლია წახვიდე და თავი სასუსნავებით დააჯილდოვო .

 

 

 

 

სამეფო გლაზური

შაქრიანი გლაზური საუკეთესო ტოპინგია ორცხობილებისათვის, მათი გამოყენება შესაძლებელია როგორც Cupcake-ების, ისე – ტორტების მოსართავად. ის შრება როგორც მყარი, თეთრი, ბრჭყვიალა მასა. შესაძლებელია საკვები საღებავების დამატებაც.

.icing.png

საჭირო დრო: 10 წუთი

რაოდენობა: დაახლოებით 1  1/4 ჭიქა

INGREDIENTS

1 კვერცხის ცილა;
225  გრამი შაქრის პუდრა (2  1/4 ჭიქა);
1 სუფრის კოვზი წყალი;

საშუალო ზომის თასში ავთქვიფოთ ცულა საშუალო სიჩქარით. დავამატოთ შაქრის პუდრა, თითო ჯერზე თითო ჭიქა. ვურიოთ მანამ, სანამ შაქარი მთლიანად არ შეერწყმება მასას. დავამატოთ წყალი და ავთქვიფოთ მაღალ სიჩქარეზე, მანამ, სანამ გლაზური არ მიიღებს მის ფორმას, დაახლოებით 5 წუთის მანძილზე.

მოათავსეთ მასა “საკონდიტრო ჩანთაში” და გამოიყენეთ უცებვე – დაიტანეთ ორცხობილებზე. თუ საკონდიტრო ჩანთა არა გაქვთ, შეგიძლიათ, ფუნჯებიც გამოიყენოთ. საჭიროების შემთხვევაში მასა შეაზავეთ წყალთან.

სოკოს სუპი

ინგრედიენტები:

Soup I

  1. ქამა სოკო – 200/300 გრ;
  2. კარტოფილი – 2;
  3. სტაფილო – 1;
  4. მაკარონი (ვერმიშელი) – სურვილისამებრ;
  5. ხახვი – 1 საშუალო ზომის თავი;
  6. ქინძი / კამა / ოხრახუში – 2-2 ღერი თითო;
  7. მარილი გემოვნებით;

ქამა სოკოს, კარტოფილს და სტაფილოს ვჭრით კუბიკებად და მაკარონთან ერთად ვათავსებთ ქვაბში. ვასხამთ ცივ წყალს და ვადუღებთ მოხარშვამდე;

პარალელურად, ზეთში ვხრაკავთ ხახვს; წვრილად ვჭრით მწვანილს და მოხრაკულ ხახვთან ერთად ვამატებთ ქვაბში.

რამდენიმე წუთს კვლავ ვადუღებთ. არ დაგავიწყდეთ მარილი.

მე მცირეოდენი აჯიკაც დავამატე – და საოცარი გემო მისცა.

Soup
სუპს ოხშივარი ასდის და ლინზა დამიორთქლა… 🙂

თქვენი სუპიც მზადაა…

გემრიელად მიირთვით.

 

 

✓ სახალისო ფოტოსესია ქორწილისთვის ((ნაწილი 1) (Vol. 5))

ქორწილი, უკეთეს შემთხვევაში, ცხოვრებაში ერთხელ გაქვს ადამიანს. ამ დღის მოგონებები კი ფოტოსა და ვიდეოს სახით უფრო დიდ ხანს შემოგრჩება, მხოლოდ მახსოვრობის იმედად ვერ იქნები კაცი.

ამ დღის გასალამაზებლად თვითნაკეთი ღრუბლები დაგეხმარება.

Instant Download DIY Photo Booth Props. Black Signs by redlinecs

ამისათვის შავ-თეთრი პრინტერი, ოდნავ მყარი ქაღალდი, წებო, პლასტელინი და საწრუპავი მილიც საკმარისი იქნება.

ჩანგალი

იდეები განუსაზღვრელია. წარწერები თავად შეგიძლიათ მოიფიქროთ. ყველაზე კრეატიული, რაც მოვიფიქრე “ჩანგალზე”-ა.

გარდა ამისა, შეგიძლიათ სკამებიც გაახალისოთ შესაბამისი წარწერებით.

აღნიშნული წარწერები შეგიძლიათ სიძე-პატარძლის სკამებზე დაამაგროთ ✓
დაამაგრეთ სიძე-პატარძლის სკამებზე ✓

ქორწილამდე ნაყინის ჩხირები შეაგროვეთ.

აი, ცარიელი ღრუბელიც - გამოიყენეთ თქვენი შეხედულებისამბრ.
აი, ცარიელი ღრუბელიც – გამოიყენეთ თქვენი შეხედულებისამბრ.

იხილე ყველა პოსტი სერიიდან “ჩემი ქორწილი❤